KLIP
KLIP was die naam van Richard van der Westhuizen en Lochner de Kock se eerste band sowat 40 jaar gelede. Andrew Roos sluit later aan as keyboardspeler. Nou bring hulle hulle treffers soos Tussen Treine, Ballade vir ‘n Enkeling, Die Kinders van Afrika, Twee Sagte Hande, Liefliedjie en vele meer Koelkamers toe.
LOCHNER DE KOCK
Is vanjaar 50 jaar al akteur. Saam met Richard van der Westhuizen stel hy Tussen Treine as hul eerste CD bekend, gevolg deur 2 ander. Hy skryf ook kookboeke, en tree op as Cordon Boer in sy kook shows. Hy is al 49 jaar getroud met Christine. Sy dogter Cara gaan in November van hom ‘n oupa maak.Na 42 jaar anderkant die boereworsgordyn is hy nou terug in die Kaap.
RICHARD VAN DER WESTHUIZEN
Richard is ‘n bekende akteur, sanger en liedjieskrywer wat al langer as 40 jaar in die bedryf is. Hy skryf en sing die temalied vir die gewilde TV-reeks Ballade vir ‘n Enkeling, en volg dit op met Tussen Treine, wat hy saam met Lochner de Kock opneem. Hy is tans besig met opnames van sy 10de musiekalbum. Sy bekendste TV rolle sluit in Karel Mannheim in die Mannheim Sage, Andries Melck in Andries Plak en Tokkie in 7de Laan.
ANDREW ROOS
Andrew is die eienaar van Brak Musiek Ateljee in Ermelo. Verskeie diverse kunatenaars het al by hom musiek opgeneem, o.a. Richard en Lochner, Juan Boucher, Andre Swiegers, Wynand Strydom, Karla du Plessis en vele ander. Hy werk vir ‘n ruk lank as musikale regisseur vir Casper de Vries, sluit darna aan as keyboardspeler by Richard van der Westhuizen en Lochner de Kock, en toer die afgelope sowat 25 jaar saam met Richard van der Westhuizen.
#Afrikaans100
You may also like the following events from Die Koelkamers:
Also check out other
Music events in Darling,
Entertainment events in Darling.
